Minerva (Filipino)

Isa lang naman ang hinahangad ko sa buhay kun'di ang makasama ang aking mga mahal sa buhay – masayang manirahan sa payak at tahimik na lugar – ngunit bakit mo ito kinuha sa akin? Kinuha mo ang lahat-lahat sa akin, binaboy, at pinagmukha mo akong mahina. Hindi ko alam kung tao pa ba ako o isa mo lang laruan. At ngayon, may gana kang humingi ng kapatawaran sa akin? Sa kabila ng lahat? Kaya mo bang ibalik ang lahat ng buhay na mga kinuha mo sa akin sa oras na humingi ka ng tawad? Kahit kailan, hindi ko ito matatanggap. Gagawin ko ang lahat upang ang hustisya ay mapasaakin at ipapakita ko sa buong mundo kung gaano kalakas ang babaeng iyong minamaliit.